史特加热身赛喉琴抢W

德甲仍处于歇冬期，不过佢哋并冇因此偷懒，唔少球队相约踢热身赛，力求催谷球员状态。今晚史特加喺土耳其比历克力氏球场，同德乙波琴拍跳，呢班波自从喺换帅后表现明显有改善，今仗有力砌低对手，捧1.82倍主胜。

（有线61及201周日晚上11:35直播）

史特加喺上年11月辞退主帅索宁加，搵嚟青年军教练卡蓝尼做住看守教练，点知球队亦喺佢带领下近4场取得1胜3和，更于歇冬前以3:1打败禾夫斯堡，走出降班区域，史特加亦好识做咁喺上年年尾同卡蓝尼签新约畀佢坐正。

家阵史特加队内气氛好转，先有主力中场菲腊高斯迪治讲明唔会离队，中场罗比古斯、门将兰格历克有望今仗复出，再者史特加签入翼锋哥斯基奥斯，大大增强士气。呢铺佢哋对住走势回落，近9场德乙仅1胜嘅波琴，相信都实食冇黐牙。